ഇംഗ്ലീഷ്‌ മീഡിയം സ്‌കൂളുകളുടെയും, പ്രീപ്രൈമറി സ്‌കൂളുകളുടെയും വര്‍ദ്ദനവ്‌:
അംഗന്‍വാടികളില്‍ കുട്ടികള്‍ കുറയുന്നു.
അക്‌ബറലി ചാരങ്കാവ്‌
വണ്ടൂര്‍: ഇംഗ്ലീഷ്‌ മീഡിയം സ്‌കൂളുകളുടെയും, പ്രീപ്രൈമറി സ്‌കൂളുകളുടെയും നിര്‍ബാധമായ വ്യാപനത്തെ തുടര്‍ന്ന്‌ സംസ്ഥാനത്തെ അംഗന്‍വാടികളിലും, സര്‍ക്കാര്‍ സ്‌കൂളുകളിലും വിദ്യാര്‍ഥികള്‍ കുറയുന്നു.
ഇംഗ്ലീഷ്‌ മീഡിയം സ്‌കൂളുകളുടെ വ്യാപനത്തെ തുടര്‍ന്ന്‌ അംഗന്‍വാടികളിലേക്ക്‌ കുട്ടികളെ കിട്ടാനില്ലാത്ത അവസ്ഥയാണിപ്പോള്‍.
ഇംഗ്ലീഷ്‌ മീഡിയം സ്‌കൂളുകള്‍ക്ക്‌ പുറമെ നിരവധി സര്‍ക്കാര്‍ എല്‍ പി സ്‌കൂളുകളില്‍ പ്രീപ്രൈമറി ക്ലാസുകള്‍ ആരംഭിച്ചതും അംഗന്‍വാടികളില്‍ കുട്ടികള്‍ കുറയാന്‍ കാരണമായിട്ടുണ്ട്‌.
സംസ്ഥാനത്ത്‌ ഏറ്റവും കൂടുതല്‍ വിദ്യാര്‍ഥികളും, സ്‌കൂളുകളുമുള്ള മലപ്പുറം ജില്ലയിലെ 80 ശതമാനം എല്‍ പി സ്‌കൂളുകളിലും നഴ്‌സറി ക്ലാസുകള്‍ ആരംഭിച്ചിട്ടുണ്ട്‌.കൂടാതെ മിക്ക എല്‍പി സ്‌കൂളുകള്‍ക്ക്‌ സമീപവും ആധുനിക സൗകര്യങ്ങളോടു കൂടിയ ഇംഗ്ലീഷ്‌ മീഡിയം സ്‌കൂളുകളും കൂണുപോലെ ഉയര്‍ന്ന്‌ വരികയാണ്‌.
ഒന്നാം ക്ലാസിലേക്ക്‌ നഴ്‌സറി വിദ്യാര്‍ഥികളെ മാറ്റാനാകുമെന്നതിനാല്‍ അണ്‍ ഇക്കണോമിക്‌ സ്‌കൂളുകളാക്കി മാറ്റാതെ വിദ്യാര്‍ഥികളുടെ പ്രവേശനത്തിലൂടെ അധ്യാപകരുടെ ജോലിസ്ഥിരത ഉറപ്പിക്കുകയെന്ന ലക്ഷ്യവും പ്രീപ്രൈമറി ക്ലാസുകള്‍ ആരംഭിക്കാന്‍ അധ്യാപകരെ പ്രേരിപ്പിക്കുന്ന പ്രധാന ഘടകമാണ്‌.
പിടിഎ ഫണ്ടില്‍ നിന്നും മറ്റും പണപ്പിരിവ്‌ നടത്തി അധ്യാപകര്‍ത്തന്നെയാണ്‌ പ്രീപ്രൈമറി ക്ലാസുകളുടെ പ്രവേശനത്തിന്‌ കൂടുതല്‍ തല്‍പ്പര്യമെടുക്കുന്നത്‌. അതെ സമയം വിദ്യാര്‍ഥികളില്‍ നിന്ന്‌ 150 മുതല്‍ 250 രൂപവരെ ഫീസ്‌ ഈടാക്കുന്നുണ്ടെങ്കിലും വിദ്യാര്‍ഥികളെ പഠിപ്പിക്കുന്ന അധ്യാപകര്‍ക്കും, ആയക്കും വളരെ കുറഞ്ഞ നിലവാരത്തിലുള്ള ശംബളമാണ്‌ നല്‍കുന്നതെന്ന്‌ ഈ രംഗത്തുള്ളവര്‍ പറയുന്നു. കൂടാതെ കുട്ടികളെ ആകര്‍ഷിക്കാന്‍ വാഹനമുള്‍പ്പടെയുള്ള സൗകര്യങ്ങളും പ്രീപ്രൈമറി ക്ലാസുകള്‍ തുടങ്ങുന്നവര്‍ ഏര്‍പ്പെടുത്തുന്നതിനാല്‍ അംഗന്‍വാടികളില്‍ ചേര്‍ക്കാതെ നഴ്‌സറി ക്ലാസുകളിലേക്ക്‌ പറഞ്ഞയക്കാനാണ്‌ രക്ഷിതാക്കളും ശ്രമിക്കുന്നതെന്ന്‌ അംഗന്‍വാടി വര്‍ക്കേഴ്‌സ്‌ സംസ്ഥാന പ്രസിഡന്റ്‌ ഹരിദാസന്‍ പുല്‍പ്പറ്റ പറഞ്ഞു.
സ്‌തീകളുടെയും, കുട്ടികളുടെയും ശാക്തീകരണമെന്ന ലക്ഷ്യത്തോടെ 1975 ലാണ്‌ അംഗന്‍വാടികള്‍ക്ക്‌ തുടക്കമായത്‌. കുട്ടികള്‍ക്കുള്ള പോഷകാഹാര വിതരണം, മറ്റു ക്ഷേമ പ്രവര്‍ത്തനങ്ങള്‍ നടത്താനുള്ള ഗ്രാമത്തിലെ കേന്ദ്രം എന്നിങ്ങനെ ഗ്രമങ്ങളിലെ സാമൂഹികരണ പ്രകിയയിലെ പ്രധാന ഏജന്‍സികളിലൊന്നായിരുന്നു ഓരോ ഗ്രാമത്തിലെയും അംഗന്‍വാടികള്‍.
എന്നാല്‍ അംഗന്‍വാടികളുടെ അടിസ്ഥാന വികസന കാര്യത്തിലും സര്‍ക്കാറുകളുടെ നിസംഗത തുടരുന്നതും വിദ്യാര്‍ഥികളെ അകറ്റാന്‍ കാരണമാകുകകയാണ്‌. മലപ്പുറം ജില്ലയില്‍ 3,802 അംഗന്‍വാടികളാണ്‌ ആകെയുള്ളത്‌.ഇതിനിടെ തദ്ദേശ സ്വയംഭരണ വകുപ്പിന്റെ പ്രത്യേക ഉത്തരവുപ്രകാരം അംഗന്‍വാടികളുടെ ഫിറ്റ്‌നസ്‌ പരിശോധന നടത്തിയിരുന്നു. മതിയായ സൗകര്യങ്ങളില്ലാതെയാണ്‌ അംഗന്‍വാടികള്‍ പ്രവര്‍ത്തിക്കുന്നത്‌.
പരിശോധന നടന്ന മലപ്പുറം ജില്ലയിലെ അംഗന്‍വാടികളിലെ 539 എണ്ണത്തിന്റെ പരിശോധന പൂര്‍ത്തിയായപ്പോള്‍ 46 എണ്ണം അപകടാവസ്‌ഥയിലാണെന്നാണ്‌ റിപ്പോര്‍ട്ട്‌.
അതെ സമയം അംഗന്‍വാടികളില്‍ കുട്ടികള്‍ കുറഞ്ഞതിനെ തുടര്‍ന്ന്‌ ഈ മേഖലയില്‍ തൊഴിലെടുക്കുന്ന ആയിരക്കണക്കിനാളുകള്‍ക്ക്‌ തൊഴില്‍ നഷ്ടപ്പെടുമോ എന്ന ആശങ്കയും നിലവിലുണ്ട്‌. മലപ്പുറം ജില്ലയില്‍ മാത്രം ഏഴായിരത്തോളമാളുകളാണ്‌ ഈ രംഗത്ത്‌ തൊഴിലെടുക്കുന്നത്‌.
കൂടാതെ സംസ്ഥാന സാമൂഹ്യ ക്ഷേമ വകുപ്പിന്റെ നേതൃത്വത്തില്‍ വിതരണം ചെയ്യുന്ന പോഷകാഹാം ഉത്‌പാദിപ്പിക്കുന്ന സ്ഥാപനങ്ങള്‍ക്കും കുട്ടികള്‍ കുറഞ്ഞത്‌ തിരിച്ചടിയായിട്ടുണ്ട്‌.സ്വകാര്യ വിദ്യാഭ്യാസ പദ്ധതികളുടെ അതിപ്രസരം മൂലം ഗ്രാമങ്ങളുടെ സാംസ്‌കാരിക സാമൂഹ്യ മേഖലകളില്‍ നിര്‍ണ്ണായ സ്വാധീനം ചെലുത്തിയിരുന്ന അംഗന്‍വാടികള്‍ അതീജീവനത്തിന്റെ പാതയിലാണിന്ന്‌.
2011 ജൂൺ 16, വ്യാഴാഴ്‌ച
2011 ജൂൺ 15, ബുധനാഴ്‌ച
അണ്‍എയിഡഡ്‌ സ്‌കൂളുകള്‍ക്ക്‌ അംഗീകാരം 2011 ജൂണ്‍ 15 ബുധന്‍
======================
അണ്‍എയിഡഡ്‌ സ്‌കൂളുകള്‍ക്ക്‌ അംഗീകാരം
നല്‍കാനുള്ള തീരുമാനം പിന്‍വലിക്കണം : കെപിഎസ്‌ടി യൂണിയന്‍
======================
വണ്ടൂര്‍: അണ്‍എയിഡഡ്‌ സ്‌കൂളുകള്‍ക്ക്‌ അംഗീകാരം നല്‍കാനുള്ള സര്‍ക്കാര്‍ തീരുമാനം പിന്‍വലിക്കണമെന്ന്‌ കെപിഎസ്‌ടി യൂണിയന്‍ വണ്ടൂര്‍ ഉപജില്ലാ കണ്‍വെന്‍ഷന്‍ ആവശ്യപ്പെട്ടു. അധ്യാപക വിദ്യാര്‍ഥി അനുപാതം 1 : 30 ആക്കണമെന്നും, വിദ്യാഭ്യാസ അവകാശ നിയമം നടപ്പിലാക്കണമെന്നും കണ്‍വെന്‍ഷന്‍ ആവശ്യപ്പെട്ടു. കെപിഎസ്‌ടി യൂണിയന്‍ ജില്ലാ സെക്രട്ടറി കെ സുരേഷ്‌ ഉദ്‌ഘാടനം ചെയ്‌തു. വിപി മുജീബ്‌ റഹ്‌്‌മാന്‍, സി മെഹബൂബ്‌, എം മുരളീധരന്‍, സിറില്‍ ജോസഫ്‌ തുടങ്ങിയവര്‍ സംസാരിച്ചു.
റോഡിന്‌ അനുമതി നല്‍കിയില്ല :
റോഡ്‌ വിഭാഗം ഓഫീസറെ തടഞ്ഞുവെച്ചു.
======================
വണ്ടൂര്‍: തിരുവാലി പഞ്ചായത്തിലെ കരുമ്പഞ്ചേരി റോഡിന്‌ അനുമതി നല്‍കിയില്ലെന്നാരോപിച്ച്‌ നാട്ടുകാര്‍ റോഡ്‌ വിഭാഗംഓഫീസറെ തടഞ്ഞു. എം ഐ ഷാനവാസ്‌ എംപിയുടെ എസ്‌ സി വിഭാഗത്തിനായി നീക്കിവെച്ച പതിനഞ്ച്‌ ലക്ഷം രൂപയുടെ പദ്ധതിപ്രകാരം റോഡിനായി നീക്കിവെച്ചിരുന്നു. എന്നാല്‍ ഒരു വര്‍ഷത്തോളമായിട്ടും ഉദ്യോഗസ്ഥര്‍ സ്ഥലം സന്ദര്‍ശിച്ച്‌ റിപ്പോര്‍ട്ട്‌ എടുത്തില്ലെന്നാണ്‌ നാട്ടുകാരുടെ പരാതി. ഇതെ തുടര്‍ന്നാണ്‌ പദ്ധതി നടത്തിപ്പു ചുമതലയുള്ള ഓഫീസറെ തടഞ്ഞുവെച്ചത്‌. തുടര്‍ന്ന്‌ തിരുവാലി പഞ്ചായത്ത്‌ സ്റ്റാന്റിംഗ് കമ്മിറ്റി ചെയര്‍മാന്‍ സിടി ഹുസൈന്‍ഹാജി, ബ്ലോക്ക്‌ അംഗം നാടിക്കുട്ടി എന്നിവര്‍ ഓഫീസറുമായി ചര്‍ച്ച നടത്തിയെങ്കിലും പരിഹാരമുണ്ടായില്ല. തുടര്‍ന്ന്‌ വണ്ടൂര്‍ പോലീസ്‌ എത്തിയാണ്‌ സമരക്കാരെ പിന്തിരിപ്പിച്ചത്‌.
അണ്‍എയിഡഡ്‌ സ്‌കൂളുകള്‍ക്ക്‌ അംഗീകാരം
നല്‍കാനുള്ള തീരുമാനം പിന്‍വലിക്കണം : കെപിഎസ്‌ടി യൂണിയന്‍
======================
വണ്ടൂര്‍: അണ്‍എയിഡഡ്‌ സ്‌കൂളുകള്‍ക്ക്‌ അംഗീകാരം നല്‍കാനുള്ള സര്‍ക്കാര്‍ തീരുമാനം പിന്‍വലിക്കണമെന്ന്‌ കെപിഎസ്‌ടി യൂണിയന്‍ വണ്ടൂര്‍ ഉപജില്ലാ കണ്‍വെന്‍ഷന്‍ ആവശ്യപ്പെട്ടു. അധ്യാപക വിദ്യാര്‍ഥി അനുപാതം 1 : 30 ആക്കണമെന്നും, വിദ്യാഭ്യാസ അവകാശ നിയമം നടപ്പിലാക്കണമെന്നും കണ്‍വെന്‍ഷന്‍ ആവശ്യപ്പെട്ടു. കെപിഎസ്‌ടി യൂണിയന്‍ ജില്ലാ സെക്രട്ടറി കെ സുരേഷ്‌ ഉദ്‌ഘാടനം ചെയ്‌തു. വിപി മുജീബ്‌ റഹ്‌്‌മാന്‍, സി മെഹബൂബ്‌, എം മുരളീധരന്‍, സിറില്‍ ജോസഫ്‌ തുടങ്ങിയവര്‍ സംസാരിച്ചു.
റോഡിന്‌ അനുമതി നല്‍കിയില്ല :
റോഡ്‌ വിഭാഗം ഓഫീസറെ തടഞ്ഞുവെച്ചു.
======================
വണ്ടൂര്‍: തിരുവാലി പഞ്ചായത്തിലെ കരുമ്പഞ്ചേരി റോഡിന്‌ അനുമതി നല്‍കിയില്ലെന്നാരോപിച്ച്‌ നാട്ടുകാര്‍ റോഡ്‌ വിഭാഗംഓഫീസറെ തടഞ്ഞു. എം ഐ ഷാനവാസ്‌ എംപിയുടെ എസ്‌ സി വിഭാഗത്തിനായി നീക്കിവെച്ച പതിനഞ്ച്‌ ലക്ഷം രൂപയുടെ പദ്ധതിപ്രകാരം റോഡിനായി നീക്കിവെച്ചിരുന്നു. എന്നാല്‍ ഒരു വര്‍ഷത്തോളമായിട്ടും ഉദ്യോഗസ്ഥര്‍ സ്ഥലം സന്ദര്‍ശിച്ച്‌ റിപ്പോര്‍ട്ട്‌ എടുത്തില്ലെന്നാണ്‌ നാട്ടുകാരുടെ പരാതി. ഇതെ തുടര്‍ന്നാണ്‌ പദ്ധതി നടത്തിപ്പു ചുമതലയുള്ള ഓഫീസറെ തടഞ്ഞുവെച്ചത്‌. തുടര്‍ന്ന്‌ തിരുവാലി പഞ്ചായത്ത്‌ സ്റ്റാന്റിംഗ് കമ്മിറ്റി ചെയര്‍മാന്‍ സിടി ഹുസൈന്‍ഹാജി, ബ്ലോക്ക്‌ അംഗം നാടിക്കുട്ടി എന്നിവര്‍ ഓഫീസറുമായി ചര്‍ച്ച നടത്തിയെങ്കിലും പരിഹാരമുണ്ടായില്ല. തുടര്‍ന്ന്‌ വണ്ടൂര്‍ പോലീസ്‌ എത്തിയാണ്‌ സമരക്കാരെ പിന്തിരിപ്പിച്ചത്‌.
2010 നവംബർ 23, ചൊവ്വാഴ്ച
വാഹന അപകട0
ഇന്നലെ നിലമ്പൂരില്‍ നടന്ന വാഹന അപകടത്തില്‍ മരണപെട്ട തുവ്വൂര്‍ ഫൈസല്‍ ഫൈസിയും , കുരാറ്റ് അബാസ് മുസ്ലിയാര്um
2010 നവംബർ 22, തിങ്കളാഴ്‌ച
മറിയുമ്മ അനില്‍ കുമാര്‍ 22-11-2010
മറിമുമ്മവണ്ടൂര്: മമ്പാട്‌ ടാണയില്‍ തേനുട്ടികല്ലിങ്ങല്‍ ഷൗക്കത്തിന്റെ ഭാര്യ മറിമുമ്മ (44) നിര്യാതനായി. മക്കള്‍: ജല്‍സിയ, മുബീന, കൗലത്ത്‌, ശേരീഫ്‌, ഷാഫി. സ്വാദിഖ്‌
മരുമക്കള്‍: മൂസ ചെറുകോട്‌, അഷ്‌റഫ്‌ പൊങ്ങല്ലൂര്‍, ഫക്‌റുദ്ദീന്‍ (റിയാദ്‌)
അനില്‍കുമാര്‍
ഭാര്യ: നിഷ
മാതാവ്‌: വിലാസിനി
മക്കള്‍: അനീഷ, അനീഷ്‌, അനുഷ
സോഹദരങ്ങള്‍: ബാബുരാജ്‌, വേണുഗോപാലന്‍, പവിത്രന്‍, സന്ധ്യ, സിന്ധു
2010 നവംബർ 21, ഞായറാഴ്‌ച
സ്റ്റാന്റിംഗ് കമ്മിറ്റി തിരഞ്ഞെടുപ്പിനെതിരെ പരാതി
സ്റ്റാന്റിംഗ് കമ്മിറ്റി തിരഞ്ഞെടുപ്പിനെതിരെ പരാതി
വണ്ടൂര്‍: തിരുവാലി ഗ്രാമപഞ്ചായത്തില്‍ ഇന്നലെ നടന്ന സ്റ്റാന്റ്‌ിംഗ്‌ കമ്മിറ്റി തിരഞ്ഞെടുപ്പ്‌ ചട്ടലംഘനമാണെന്നാരോപിച്ച്‌ പ്രതിപഖ്‌ഷത്ത്തിന്ര്‍ഗെ പരാതി. നിലവിലെ യുഡിഎഫ്‌ ഭരണ സമിതിക്കെതിരെ മുന്‍ ഗ്രാമ പഞ്ചായത്ത്‌ പ്രസിഡന്റും, നിലവിലെ എല്‍ഡിഎഫ്‌ അംഗവുമായ കെ പി ഭാസ്‌ക്കരന്‍, പി ബാലകൃഷ്‌ണന്‍ എന്നിവരാണ്‌ വരണാധികാരിക്ക്‌ പരാതി നല്‍കിയത്‌. ധനകാര്യ സ്റ്റാന്റിംഗ് കമ്മിറ്റിയില്‍ വനിതാസംവണ അംഗത്തെ തിരഞ്ഞെടുക്കാതെ മറ്റ്‌ സ്റ്റാന്റിംഗ് കമ്മിറ്റി അംഗങ്ങളെയാണ്‌ തിരഞ്ഞെടുത്തത്‌. ഇതെ തുടര്‍ന്ന്‌ ആരോഗ്യ സ്റ്റാന്റിംഗ് കമ്മിറ്റിയിലേക്ക്‌ നാമനിര്‍ദേശ പത്രിക സമര്‍പ്പിച്ച കൂനേരി ഗീതയെ മത്സരിക്കാന്‍ സമ്മതിച്ചില്ലെന്നും പരാതിയില്‍ പറയുന്നു. ഇത്‌ തിരഞ്ഞെടുപ്പ്‌ ചട്ട വിരുദ്ധ മാണെന്നും സ്റ്റാന്റിംഗ് കമ്മിറ്റി തിരഞ്ഞെടുപ്പ്‌ റദ്ധാക്കണമെന്നും മഞ്ചേരി വാണിജ്യകാര്യ ഓഫീസര്‍ക്ക്‌ നല്‍കിയ പരാതിയില്‍ പ്രതിപക്ഷം ആവശ്യപ്പെട്ടു.
ഗോവിന്ദന്‍ നായര്‍ 20-11-2010
ഗോവിന്ദന്‍ നായര്വിയോഗം
========================================================================ഓര്‍മയായത്‌ തിരിച്ചറിയാതെപോയ വികസന നായകന്‍
വണ്ടൂര്‍: ഏറെക്കാലം ഏകാന്ത വാസം നയിച്ച്‌ ഒടുവില്‍ മരണത്തിലേക്ക്‌ യാത്രയായപ്പോഴാണ്‌ ഗോവിന്ദന്‍നായര്‍ ആരായിരുന്നെന്ന്‌ നാട്ടുകാര്‍ തിരിച്ചറിയുന്നത്‌. ഇന്നലെ നിര്യാതനായ ചെറുവണ്ണൂര്‍ ചക്കാലക്കുന്ന്‌ ഗോവിന്ദന്‍ നായര്‍ (92 )മുതിര്‍ന്ന കോണ്‍ഗ്രസ്‌ നേതാവ്‌ കെ കരുണാകരന്റെ സുഹൃത്തും, വീട്ട്‌ ജോലിക്കാരനുമായി ഏറെ നാള്‍ സേവനം ചെയ്‌തിരുന്നു. ഒടുവില്‍ കെ കരുണാകരന്റെ ഭാര്യ കല്ല്യാണിക്കുട്ടിയുടെ മരണ ശേഷമാണ്‌ ഗോവിന്ദന്‍നായര്‍ എന്ന ഗോവിന്ദേട്ടന്‍ തൃശൂരിലെ വീട്ടില്‍ നിന്ന്‌ താമസം ചെറുവണ്ണൂരിലേക്ക്‌ മാറ്റിയത്‌. അവിവാഹിതനായിരുന്ന ഗോവിന്ദേട്ടന്‍ പിന്നീട്‌ ക്ഷേത്രങ്ങളിലെ പൂജ ആവശ്യത്തിന്‌ പുഷ്‌പ്പങ്ങള്‍ ശേഖരിക്കലായിരുന്നു പ്രധാന ജോലി.
പൂഷ്‌പ്പങ്ങള്‍ ശേഖരിച്ചു നല്‍കുന്ന കുരുന്നുകള്‍ക്ക്‌ മധുരമുള്ള മിഠായികള്‍ നല്‍കലും ഗോവിന്ദേട്ടന്റെ പതിവ്‌ രീതികളായിരുന്നു.
ഇടക്കൊക്കെ കരുണാകരനെ കാണാന്‍ തൃശൂരില്‍ പോകാറമുണ്ടായിരുന്നു. കെ കരുണാകരനുമായുള്ള അടുത്ത ബന്ധത്തിന്റെ ഭാഗമായാണ്‌ ചാരങ്കാവില്‍ ഹൈസ്‌ക്കൂളിന്‌ അംഗീകാരം നേടിയെടുത്തതെന്നും, സ്‌കൂള്‍ സ്ഥാപിതമായതെന്നും അധികൃതര്‍ പറഞ്ഞു. നിരവധി സേവനപ്രവര്‍ത്തനങ്ങള്‍ നടത്തിയിരുന്ന വ്യക്തിയായിരുന്നെങ്കിലും എന്നും പദ്ധതികളുടെ തിരശ്ശീലക്കു മറവിലായിരുന്നു അവിവാഹിതനായ ഗോവിന്ദേട്ടന്‍.
ഇതിനായി സബ്‌സ്ക്രൈബ് ചെയ്ത:
പോസ്റ്റുകള്‍ (Atom)